തിരഞ്ഞെടുപ്പ്

ജീവിതം വഞ്ചനയുടെ കളരികള്‍
ഹരിശ്രീയില്‍ എഴുതിച്ചു

പ്രണയം തെറ്റെന്നു ജന്മം നല്‍കിയവര്‍
വിധിയെഴുതുമ്പോള്‍ ....
കാലം പച്ചമരങ്ങളില്‍
ചോരപ്പാടുകള്‍ വീഴ്ത്തി

വഴികള്‍ രണ്ടായി പിരിയുമ്പോള്‍
ആരെ ചതിക്കണം എന്ന തെരഞ്ഞെടുപ്പില്‍
ഇവിടെ വരെ കൊണ്ടുവന്നതിന്
കന്യകക്ക് മൌനമാകാം ഉത്തരം

ഉത്തരമില്ലാത്ത മൌനങ്ങള്‍
കാര്‍ത്തിക വിളക്കിന്‍ തിരികളില്‍
പ്രാര്‍ത്ഥനകളായി ജ്വലിക്കുംപോള്‍
കാറ്റില്‍ കാലം കരിന്തിരിയായി

ചതിക്കപ്പെടുന്നതിനു മുന്പ്
അറവുമാടിന്നുള്ള ജലമായി
നിനക്കുനല്കാന്‍ ഒരുക്കമായിരുന്നു
ഈ കന്യകാത്വം പോലും

എന്നിട്ടും പരജിതയായ് ...
നിന്റെ മുനയുള്ള വാക്കുക്കളില്‍

"പ്രണയം നിനക്ക് സമ്മാനിച്ചത്
അന്ധകാരത്തിന്റെ അന്ധതയാണ്
മഹാസമുദ്രത്തില്‍ മഴതുള്ളി
തിരയുന്ന നിന്റെ മനസ്സില്‍ നിന്നും
ഞാന്‍ പടിയിറങ്ങുന്നു വഴിപിരിഞ്ഞല്ല
പിന്തിരിഞ്ഞ്‌ നിനക്കായ്‌ എനിക്കുള്ളത്
നിന്നിലെ ഈ നിഷേധം മാത്രം "