മിഴികളിലേക്കു അറിയാതെ
ചിതറിത്തെറിച്ച മഴത്തുള്ളിക്ക്
ഒരു നിമിഷത്തെ മനസ്സിന്റെശൂന്യതയുടെ
വിലയുണ്ട് എന്നു ഞാന് തിരിച്ചറിയുന്നത്
ആ മഴയുടെ അവസാനമാണ്
എന്റെ പ്രണയം മിഥ്യയായിരുന്നില്ല
എന്ന നിന്റെ കണ്ടെത്തലുകള് സത്യമായിരുന്നൂ
എന്ന നിന്റെ ചിന്തകള് വീണ്ടുമെത്തിചെരുന്നത്
അസ്വസ്ഥമായ മനസ്സില് ഭ്രാന്തിന്റെ
ചങ്ങലക്കണ്ണികളുടെ കിലുക്കങ്ങലാവുമോ
എന്നു ഞാന് ഭയപ്പെടുന്നു ആ ഭ്രാന്തിന്റെ തുടക്കം
ഒരുപക്ഷെ പ്രണയത്തിന്റെ വയലറ്റു വിഷമഷി
പുരണ്ടു തെളിമ നഷ്ട്ടപ്പെട്ട ഒരു മുഷിഞ്ഞ
കടലാസ്സു തുണ്ടിന്റെ ചുരുളിമയില് നിന്നുമാണ്
" എന്റെ മിഴികള് നിറയുമ്പോഴും
എന്റെ ഹൃദയം പിടയുമ്പോഴും
ഞാന് നിന്നെയോര്ത്തു വേദനിക്കുമ്പോഴും
നീ പുഞ്ചിരിച്ചു കൊള്ളുക ഒടുവില്
കണ്ണീര്കടലില് മുങ്ങി ഞാന് കലങ്ങിതെളിയുംപോള്
ഒരുപക്ഷെ നീ കരയുകയായിരിക്കും
നിന്റെ നിഷേധത്തിന്റെ കൊടും ക്രൂരതയില്
വിരസ്സമായിപ്പോയ നമ്മുടെ പകലുകളെയോര്ത്ത് ,
വര്ണ്ണങ്ങള് നഷ്ട്ടപെട്ടു പോവുന്ന
ഒരു മയില്പീലിതുണ്ട് മാത്രമാണ്
നീയെന്നറിയുംപോഴും അമ്മയുടെ മിഴിനീര്
കഴിഞ്ഞാല് നിന്റെ പ്രണയത്തിന്
ജ്വലനപ്രഭയാണ് കെടാവിളക്കാവുന്നത്
നീ തനിച്ചാവുന്ന നിന്റെ ഏകാന്ത യാത്രയില്
ഒരിക്കല് പോലും നിന്റെ മനസ്സില്
ഓര്മയുടെ ഓളങ്ങള് സൃഷ്ട്ടിക്കാന് എനിക്കായില്ല
എങ്കില് നിനക്ക് നിഷേധിക്കാം
എന്റെ പ്രണയത്തെ നിലവിളക്കിന് തിരിയിലെ
പ്രണവ ധ്വനി പോലെ സത്യമായ്തന്നെ
ഇനി ഒരു പെണ്മനസ്സിലേക്കുമില്ല തനിച്ചാണ് യാത്ര "
ഇപ്പോള് ഞാന് മനസ്സിലാക്കുന്നു പ്രിയപ്പെട്ടവനെ
ഓര്മകളുടെ ഈ പ്രളയത്തില് അകക്കാമ്പിന്
വിഷം നുരഞ്ഞു പൊന്തി യാദാര്ത്യങ്ങളെ
വരിഞ്ഞു മുറുക്കി ചുഴികളിലെക്കാവാഹിച്ചു
ശ്വാസംമുട്ടിക്കുമ്പോള് യാദാര്ത്യങ്ങള്
പൊട്ടിത്തകര്ന്നു മരിച്ചു വീണു
പുതിയവ സ്വപ്നങ്ങളുടെ സത്യംപോലെ ജന്മം കൊള്ളുന്നു
ഞാന് തള്ളിപറഞ്ഞ നിന്റെ പ്രഭാത സ്വപ്നങ്ങള് ,
കൂരിരുട്ടിന്റെ ഹൃദയത്തില് ഭ്രൂണഹത്യ
ചെയ്യപ്പെട്ട നമ്മുടെ പ്രഭാതങ്ങള് ഇനിയും ജനിക്കാം ,
വിരിയാതെ പൊഴിഞ്ഞ പ്രണയവും താലിയും
ഇരുതട്ടുകളില് വയ്ക്കുമ്പോള് പ്രണയമിരുന്ന
തട്ടോരുമാത്ര താണുപോയാല് കഴിഞ്ഞ കാലം
പിളര്ന്നു നേരുകാട്ടാന് പൊട്ടിച്ചെറിയേണ്ടിവരുമോ ഈ 'താലി' കൂടി ???
Monday, August 25, 2008
Subscribe to:
Post Comments (Atom)
3 comments:
വിരിയാതെ പൊഴിഞ്ഞ പ്രണയവും താലിയും
ഇരുതട്ടുകളില് വയ്ക്കുമ്പോള് പ്രണയമിരുന്ന
തട്ടോരുമാത്ര താണുപോയാല് കഴിഞ്ഞ കാലം
പിളര്ന്നു നേരുകാട്ടാന് പൊട്ടിച്ചെറിയേണ്ടിവരുമോ ഈ 'താലി' കൂടി ???
പ്രേരണകളാണു വരികൾ തെറ്റായ പ്രേരണകൾ വഴിതെറ്റിക്കലും
നന്നായിട്ടുണ്ടു.
"വിരിയാതെ പൊഴിഞ്ഞ പ്രണയവും താലിയും
ഇരുതട്ടുകളില് വയ്ക്കുമ്പോള് പ്രണയമിരുന്ന
തട്ടോരുമാത്ര താണുപോയാല് കഴിഞ്ഞ കാലം
പിളര്ന്നു നേരുകാട്ടാന് പൊട്ടിച്ചെറിയേണ്ടിവരുമോ ഈ 'താലി' കൂടി ???"
ശക്തമായ വാക്കും വരികളും...
ആശംസകള്.
പ്രകർഷേണയുള്ള ലയമാണ് പ്രളയം. അതിൽ വൈരുദ്ധ്യങ്ങളില്ലല്ലോ അർപിതാ...
Post a Comment